रइपुर। आज ले देसभर म कोरोना महमारी ल मात दे बर टीकाकरण के सुरुआत हो गे हे। परधानमंत्री मोदी ह देसभर के लोगन ल किहिस कि हमर देस व दुनिया के अइसे देस हरय, जेन हर लड़ई ल लड़े बर जानथे त, जीते बर घलो जानथे। आज से सुरु होइस कोरोना टीकाकरण महाअभियान ल लेके छत्तीसगढ़ के मुखिया भुपेस बघेल तको अपन मंगलकामना देस और राज के मन ल दिस।
मुखमंत्री भुपेश ह किहिस कि ए वायरस के मारे, हमन अपन भाई, बहिनी, दाई-ददा अउ कइ ठन रिश्ता ल खो डरे हन। जिनगी भर ये दुख ह बने रही, पर अब बेरा आ गे हावय कि ये वायरस ल ही मार डरन।
मुखमंत्री बघेल ह अपन मंगलकामना राजभर के लोगन ल दे हावय। आज पहिली चरन के अभियान ह सुरु होगे हावय। सब्बो झन सुखी होवय, सब्बो झन रोग मुक्त राहय, सब्बो झन मंगल के साक्षी बनए अऊ कोनो ला दुख के भागी झन बनना परए।
सब्बो झन सुखी होवय, सब्बो झन रोग मुक्त राहय, सब्बो झन मंगल के साक्षी बनए अऊ कोनो ला दुख के भागी झन बनना परए।
टीकाकरण के सुरुआत इही मंगल कामना संग।
— Bhupesh Baghel (@bhupeshbaghel) January 16, 2021
